របាយការណ៍នេះបង្ហាញពីផែនការសកម្មភាព កាលបរិច្ឆេទអនុវត្ត គ្រោងថវិកា និងចំណាយជាក់ស្តែង នៃរដ្ឋបាលក្រុង ស្រុក ខណ្ឌតាមរយៈពេលដែលបានជ្រើសរើសខាងលើ។ ម៉្យាងទៀតនោះ របាយការណ៍នេះផ្តល់ជូន​ក្រុមប្រឹក្សា និងគណៈអភិបាលនូវវឌ្ឍនភាពនៃការអនុវត្តផែនការសកម្មភាព និងអាទិភាពការងាររបស់រដ្ឋបាលក្រុង ស្រុក ខណ្ឌតាមរយៈពណ៌សម្គាល់។ របាយការណ៍នេះក៏បង្ហាញពីការងារដែលនៅសេសសល់ និងពេលវេលាគ្រោងបញ្ចប់ ដោយផ្អែកតាមលទ្ធផលនៃការធ្វើបច្ចុប្បន្នភាពនៃវឌ្ឍនភាពរបស់ផែនការសកម្មភាពដែលបានគ្រោងទុក។ កូឡោនចុងក្រោយបង្ហាញនៅព៌ណដែលបញ្ចាក់ពីស្ថានភាពនៃការអនុវត្ត។ ព៌ណប៉ៃតង គឺផែនការសកម្មភាពអនុវត្តឬបញ្ចប់បាន ១០០ភាគរយ។ ព៌ណខៀវ គឺផែនការសកម្មភាពអនុវត្តឬបញ្ចប់បាន ៧៥ភាគរយ ។ ព៌ណទឹកក្រូច គឺផែនការសកម្មភាពអនុវត្តឬបញ្ចប់បាន ៥០ភាគរយ ។ ព៌ណក្រហម គឺផែនការសកម្មភាពអនុវត្តឬបញ្ចប់បាន ២៥ភាគរយ ។

ផែនការដែលបានអនុវត្តតាមឆ្នាំ ឯកតាគិតជាភាគរយ

ផែនការដែលបានអនុវត្តតាមអង្គភាព ការិយាល័យ ឬផ្នែកនីមួយៗ ឯកតាគិតជាភាគរយ

សកម្មភាពជាច្រើនមានសូចនាករឬទិន្នន័យពាក់ព័ន្ធនឹងសកម្មភាពនោះ។ សូចនាករមានបំណងកត់ត្រាកម្រិតអនុវត្តសកម្មភាព ដែលផលិតបានជាលទ្ធផលអ្វីចំនួនប៉ុន្មាន។ សកម្មភាពមួយចំនួន ដូចជាការបណ្តុះបណ្តាល អាចមានសូចនាករលើសពីមួយ សម្រាប់វាស់វែងសកម្មភាពនោះ។ សម្រាប់សូចនាករនីមួយៗ វាតែងមានតម្លៃគោលដៅ (ចំណុចដៅ) ថាតើលទ្ធផលប៉ុន្មានដែលគួរ ធ្វើបានសម្រេចឬផលិតបាន នៅក្នុងឆ្នាំ។ នៅរៀងរាល់ត្រីមាសនីមួយៗ ត្រូវកត់ត្រាទិន្នន័យអំពីការសម្រេចឬការផលិតបានជាក់ស្តែង ដើម្បីអាចបូកសរុបជាក់ស្តែងប្រចាំឆ្នាំ តាមរយៈការបូកយោង តាមត្រីមាសនីមួយៗ។ តម្លៃជាក់ស្តែង ធៀបជាមួយតម្លៃគោលដៅ គឺជាភាគរយនៃការសម្រេចបាន។ តម្លៃលេខ១០០% មានន័យថាបានសម្រេចទាំងស្រុងតាមអ្វីដែលបានគ្រោងទុក។

របាយការណ៍នេះប្រៀបធៀបចំណូល និងចំណាយជាក់ស្តែងជាមួយនឹងចំណូល និងចំណាយប៉ាន់ស្មានក្នុងរយៈពេលមួយដែលបានជ្រើសរើស។​ របាយការណ៍នេះក៏បង្ហាញពីគម្លាតនៃថវិកាដែលជាចំណូល ឬចំណាយជាក់ស្តែងជាមួយនឹងថវិកាប៉ាន់ស្មានផងដែរ។ ការតាមដានត្រួតពិនិត្យថវិកាគឺជាមុខងារដ៏សំខាន់របស់ក្រុមប្រឹក្សា និងគណៈអភិបាល ព្រោះវាជួយវាស់វែងនូវស្នាដៃការងារដូចបង្ហាញនៅក្នុងកូឡោនផ្នែកខាងស្តាំដែលគណនាពីភាគរយនៃចំណូល និងចំណាយជាក់ស្តែងធៀបនឹងការប៉ាន់ស្មាន។

របាយការណ៍នេះប្រៀបធៀបទ្រព្យសម្បត្តិជាសាច់ប្រាក់របស់រដ្ឋបាលក្រុង ស្រុក ខណ្ឌពីត្រីមាសមួយទៅត្រីមាសមួយ។ លើសពីនេះទៅទៀត របាយការណ៍នេះបង្ហាញពីសាច់ប្រាក់ដែលរដ្ឋបាលក្រុង ស្រុក ខណ្ឌនីមួយៗមាន ដែលជួយក្រុមប្រឹក្សា និងគណៈអភិបាល អាចគិតគូរ ឬចាត់ចែងថវិកាទាំនេះដើម្បីអនុវត្តផែនការសកម្មភាពអោយកាន់តែមានប្រសិទ្ធភាព។

របាយការណ៍នេះ បង្ហាញអំពីអចលនៈទ្រព្យដែលជាកម្មសិទ្ធិរបស់រដ្ឋបាលក្រុង ស្រុក ខណ្ឌ (សារពើភ័ណ្ឌ)។ របាយការណ៍នេះក៏បង្ហាញពីតម្លៃប្រហាក់ប្រហែលនៃសម្ភារៈ និងអង្គភាព ការិយាល័យ ឬផ្នែកដែលប្រើប្រាស់សម្ភារៈទាំងនោះ។​ បញ្ជីសារពើភណ្ឌនេះត្រូវពិនិត្យផ្ទៀងផ្ទាត់ម្តងក្នុងមួយឆ្នាំ រួមមាន គ្រឿងសង្ហារឹម (ដូចជា ម៉ូតូ តុ ទូ កៅអី ឬកុំព្យូទ័រ) និងអគារ។

របាយការណ៍នេះកត់ត្រាពីលិខិតចូលដោយប្រព័ន្ធកុំព្យូទ័រ ថាតើលិខិតដែលបានទទួល ប្រភពពីកន្លែងណា កាលបរិច្ឆេទលិខិត និងតើអ្នកណាជាអ្នកទទួលលិខិត...។ល។

របាយការណ៍នេះកត់ត្រាពីលិខិតចេញដោយប្រព័ន្ធកុំព្យូទ័រ ថាតើលិខិតដែលបានផ្ញើរចេញទៅកន្លែងណាខ្លះ និងកាលបរិច្ឆេទរបស់លិខិត។

របាយការណ៍នេះ បង្ហាញអំពីបញ្ជីរាយនាមបុគ្គលិកទាំងអស់ (នាមត្រកូល នាមខ្លួន) ភេទ កម្រិតវប្បធម៌ បទពិសោធន៍ តួនាទី អង្គភាព ។ល។ ព័ត៌មាននេះ ត្រូវពិនិត្យផ្ទៀងផ្ទាត់ឡើងវិញជារៀងរាល់ឆ្នាំ។ ក្រាហិ្វកនេះបង្ហាញពីធាតុផ្សំនៃបុគ្គលិកដូចជា ភេទ កម្រិតវប្បធម៌ អង្គភាពនិងបទពិសោធន៍។ ការធ្វើសេចក្តីសម្រេចចិត្ត អាចផ្អែកតាមរបាយការណ៍នេះ ដើម្បីធ្វើការពិភាក្សា ថាតើបុគ្គលិកមានតុល្យភាពឬទេ? បើគិតពីកម្រិតវប្បធម៌ ការបែងចែករវាងអង្គភាព និងការទទួលបានការបណ្តុះបណ្តាល។ មានតែបុគ្គលិកដែលមកធ្វើការជាប្រចាំតែប៉ុណ្ណោះ ដែលមានបង្ហាញនៅក្នុងរបាយការណ៍នេះ (អ្នកចូលនិវត្តន៍ ឬបានផ្លាស់ប្តូរទីកន្លែងធ្វើការ មិនបានបញ្ចូលនៅក្នុងរបាយការណ៍នេះទេ)។