ទម្រង់ទី៤០.១

• អ្នកដេញថ្លៃត្រូវភ្ជាប់មកជាមួយសំណើរដេញថ្លៃរបស់ខ្លួននូវ (១)សេចក្តីប្រកាសស្តីពីក្រមសីលធម៌ ការមិនក្លែងបន្លំ និងការមិនប្រព្រិត្តអំពើពុករលួយ (២)លិខិតធានាប្រាក់កក់ធានាការដេញថ្លៃ និង (៣)ប័ណ្ណពន្ធប៉ាតង់ដែលមានសុពលភាព ឬបង្កាន់ដៃបញ្ជាក់ការបង់ប្រាក់ពន្ធប៉ាតង់ បើពុំនោះសោតទេ សំណើដេញថ្លៃពុំមានសុពលភាពឡើយ ហើយប្រាក់ធានាការដេញថ្លៃនឹងត្រូវបានរឹបអូសផ្ទេរចូលថវិការដ្ឋ។
• អ្នកដេញថ្លៃឈ្នះក្នុងការដេញថ្លៃនឹងត្រូវតម្កល់ប្រាក់កក់ធានាការអនុវត្តចំនួន១០%នៃតម្លៃកិច្ចសន្យា។ ប្រាក់កក់នេះមានសុពលភាពរហូតដល់ចប់រយៈពេលថែទាំលទ្ធផលកិច្ចសន្យា រឺរយៈពេលធានាគុណភាពសំណង់។
• ខ្ញុំជាអ្នកដេញថ្លៃបានអាន និងយល់ច្បាស់អំពីកិច្ចសន្យា គំនូសប្លង់ និងសេចក្ដីលម្អិតបច្ចេកទេស ។ ខ្ញុំបានយល់ព្រម សាងសង់ទៅតាមកិច្ចសន្យាពេលវេលាដែលបានកំណត់ និងជួសជុលថែទាំលទ្ធផលកិច្ចសន្យា ឱ្យស្ថិតនៅក្នុងល័ក្ខខ័ណ្ឌ ល្អក្នុងរយៈពេល៦ខែ បន្ទាប់ពីសាងសង់រួចជាស្ថាពរ។
• អ្នកដេញថ្លៃត្រូវចូលរួមដេញថ្លៃប្រកបដោយការប្រកួតប្រជែង ដោយគ្មានឃុបឃិតស៊ុំគ្រលំគ្នា និងមិនពាក់ព័ន្ធនឹង ការក្លែងបន្លំ ឬអំពើពុករលួយ។ ប្រសិនបើអ្នកទទួលការណាឃុបឃិតស៊ុំគ្រលំគ្នា ឬពាក់ព័ន្ធក្នុងការក្លែងបន្លំ ឬអំពើពុករលួយ ជាមួយអ្នកទទួលការដទៃ អ្នកទទួលការទាំងនោះ នឹងត្រូវលុបឈ្មោះចេញពីបញ្ជីឈ្មោះអ្នកទទួលការជារៀងរហូត និង មិនត្រូវបានអនុញ្ញាតឱ្យដាក់សំណើ ដេញថ្លៃគម្រោងឃុំ សង្កាត់ទាំងអស់នៅទូទាំងប្រទេសកម្ពុជា ហើយប្រាក់ធានាការដេញថ្លៃរបស់អ្នកដេញថ្លៃទាំងនោះនឹងត្រូវបានរឹបអូសផ្ទេរបង្វៃរបង់ចូលថវិការដ្ឋ។
• កំហុសមួយចំនួន អាចត្រូវបានកែតម្រូវ ដោយគណៈកម្មការលទ្ធកម្ម ។ ប្រសិនបើអ្នកដេញថ្លៃ មិនទទួលយកការកែ តម្រូវនេះទេ គណៈកម្មការលទ្ធកម្ម នឹងបដិសេធសំណើដេញថ្លៃនេះ ដោយចាត់ទុកថា ជាសំណើដេញថ្លៃដែលមិនមាន សុពលភាព ហើយប្រាក់កក់ធានាការដេញថ្លៃនឹងត្រូវបានរឹបអូសផ្ទេរបង្វែរបង់ចូលថវិការដ្ឋ។

កំណត់សម្គាល់ ៖ សំណើដេញថ្លៃនេះមានសុពលភាពរយៈពេល៤៥ថ្ងៃ ចាប់ពីកាលបរិច្ឆេទនៃការប្រជុំបើកសំណើដេញថ្លៃ។

កំណត់សម្គាល់ចំពោះគម្រោងឡាសិត ៖ រាល់ប្រាក់ពន្ធ និងអាករផ្សេងៗជាបន្ទុករបស់អ្នកទទួលការ។

ថ្ងៃទី-------- ខែ---------- ឆ្នាំ-----------
ហត្ថលេខា និងឈ្មោះអ្នកដេញថ្លៃ